Fillojnë punimet për krijimin e hapësirave gjelbëruese dhe rekreative për fëmijë në Mitrovicë

0
90

Fillojnë punimet për krijimin e hapësirave gjelbëruese dhe rekreative për fëmijë në Mitrovicë

Në qytetin e Mitrovicës ka filluar së zbatuari një ndër projektet më madhore, siç është krijimi i hapësirave gjelbëruese dhe rekreative për fëmijë, projekt ky i cili do të kushtojë rreth 430 mijë euro, bashkëfinancim mes Komunës së Mitrovicës dhe Ministrisë së Mjedisit dhe Planifikimit Hapësinor.

Drejtori për Shërbime Publike dhe Infrastrukturë, Naser Muja, sot ka inspektuar punimet të cilat janë duke u kryer përreth Liqenit Akumulues në Suhadoll, parkut “Xhevë dhe Fehmi Lladrovci” afër stacionit të autobusëve, si dhe parkut “Tedesi” në rrugën “Lekë Dukagjini”.

Me këtë rast drejtori Muja, theksoi se përmes këtij projekti janë duke u realizuar disa hapësira shumë të nevojshme për qytetin tonë, të cilat përveç se do të ndikojnë në mbrojtjen e mjedisit dhe krijimin e zonave gjelbëruese ato do ti shtojnë akoma hijeshi qytetit dhe liqenit, duke e bërë kështu më atraktiv për vizitorët.

Ai po ashtu tha se punimet për rregullimin e këtyre hapësirave janë duke rrjedhur sipas planit dinamik, dhe se projekt të ofroj mundësi të rekreacionit, pushimore, hapësira gjelbëruese, tulipanë, kënde të lodrave për fëmijë, këndi për ushtrime fizike fushore, shtigje për ecje, vrapim e çiklizëm, të cilat do ti japin një pamje jashtëzakonisht të bukur qytetit dhe Liqenit Akumulues.

PËRGJIGJU

Please enter your comment!
Please enter your name here