Haradinaj nuk e aprovon kërkesën e Kuçit

0
13

Kryeministri i Kosovës, Ramush Haradinaj ka vendosur që të mos e aprovojë kërkesën për dorëheqje të deputetit Blerim Kuçi.

Në një konferencë për medie, me rastin e aderimit të dhjetëra të rinjve në AAK, Haradinaj tha se nuk e ka aprovuar kërkesën e deputetit Kuçi për shkak, se siç tha ai, nuk është në rregull t’i lënë proceset në gjysmë.

“Dega në Suharekë ka pasur mbledhjen e radhës dhe ata kanë qenë kundër vendimit të Blerim Kuçit, dhe unë jam detyruar mos t’ia pranojmë”, tha ai.

Haradinaj foli edhe për aderimet e reja në partinë që e drejton, ku tha se do t’i përgjigjen dëshirës së qytetarëve për të qenë pjesë e AAK-së.

“Arsyeja e daljes para ju është me t’ju informoj dhe të shpreh mirënjohje ndaj qytetarëve që po aderojnë në Aleancë. Puna e demokracisë dhe demokracia bëhet më e mirë duke i bë partitë të tilla”, u shpreh ai.

Deputeti i Aleancës për Ardhmërinë e Kosovës Blerim Kuçi më 23 janar të vitit të kaluar kishte deklaruar se nëse deri në fund të vitit 2018 nuk bëhet liberalizimi i vizave për Kosovën, ai do të japë dorëheqje nga posti që e mbanë.

PËRGJIGJU

Please enter your comment!
Please enter your name here