Kryetari Bahtiri pret në takim tre prej ortopedëve më të mirë të Kosovës

0
121

Kryetari Bahtiri pret në takim tre prej ortopedëve më të mirë të Kosovës

Kryetari i komunës, Agim Bahtiri, ka pritur në takim ndër ortopedët më të mirë të Kosovës, shefin e repartit të Ortopedisë në Mitrovicë, Dr. Afrim Gucati si dhe ortopedët Dr. Arben Bajraktari dhe Dr. Enver Beqiri.

Gjatë këtij takimi ortopedët e njoftuan kryetarin Bahtiri, me punët që kryejnë reparti i tyre, duke thënë se ata iu qasen problemit me shumë seriozitet, dhe trajtimi i pacientëve bëhet në mënyrën më të mirë të mundshme , ashtu siç edhe e meritojnë.

Po ashtu shefi i repartit të Ortopedisë, Afrim Gucati, theksoi se vetëm dy muajt e fundit ata kanë kryer rreth 56 operacione me anestezi të përgjithshme si protezë të gjurit, protezë të kërdhokullës, ligamento-plastikë e të tjera.

Gjithashtu ata kërkuan nga kryetari Bahtiri që të kenë një repart me mjete moderne në mënyrë që qytetarët e Mitrovicës të kenë të gjitha shërbimet e nevojshme tek reparti i Ortopedisë.

Kryetari i komunës, Agim Bahtiri, ishte i kënaqur nga prezenca e ortopedëve më të mirë të vendit si dhe i falënderoi për punën e shkëlqyeshme që ata bëjnë duke ndihmuar qytetarët mitrovicas.

Kryetari Bahtiri ofroj mbështetje të plotë dhe premtoi se do të kujdeset që këtë çështje ta delegoj tek Ministria e Shëndetësisë që të sjellin këto mjete moderne për përmirësimin e kushteve në repartin e Ortopedisë në Mitrovicë.

PËRGJIGJU

Please enter your comment!
Please enter your name here